Út úr Byrginu

Það var ekki gæfulegt að horfa á Ísland í dag á Stöð 2 í kvöld.  Ég held að hverjum manni sé ljóst eftir þennan vitnisburð auk annars sem fram hefur komið að forstöðumaðurinn hefur meira en lítið af óhreinu mjöli í sínu pokahorni.  Það er grafalvarlegt mál og klárt brot á hegningarlögum að misnota sér traust skjólstæðinga sinna.  Hann var nú einu sinni forstöðumaður meðferðarheimilis eða hvað sem mál kalla það annars og svona haga menn í þeirri stöðu sér ekki.

Hitt er svo annað mál hver fjármálastjórnin hefur verið og hver sé ábyrgð stjórnmálamanna og embættismanna kerfisins á þeirri botnlausu óreiðu sem þar hefur viðgengist með fjármuni almennings.

 

Athugasemdir

[Sindri Kristjánsson, 21.12.2006 kl. 21:08]

Kórrétt hjá þér Sveinn, þarna er greinilega eitthvað gruggugt í gangi.

En ég býð þig velkominn í heim þeirra sem bloggandi eru, farnist þér sem allra best með þessa síðu

Jólakveðja,

Sindri Ká