Fátækt eða ríkdæmi - Spyrjum herra Gini

Það er ótrúlega skrýtið þetta karp um hvort fátækt og mismunun hafi aukist síðustu ár á Íslandi.  Þar hafa farið fremsti í flokki Þorvaldur Gylfason og Guðmundur Ólafsson sem haldið hafa fram auknum ójöfnuði og meiri fátækt en hins vegar Illugi Gunnarsson, Pétur Blöndal auk þess sem Hannes H. Gissurarson sem hefur gjammað hátt að venju hafi einhver óboðinn hætt sér nærri hænsnagerði auðmanna Íslands.  Að auki hefur Stefán Ólafsson verið iðinn við að benda á ójöfnuð af völdum skattbreytinga síðustu ára og hefur málflutningur hans farið sérstaklega í fínustu taugar Hannesar sem virðist missa alla rökhugsun þegar nafn Stefáns er nefnt.

Í þessari deilu hafa menn farið um víðan völl og m.a. fjasað fram og til baka um einhvern Gini-stuðul.  Þetta minnir sérstaklega á deiluna um keisarans skegg en það er sama hvaða fræðikenningum menn sveifla í kring um sig, sá fátæki verður jafn fátækur og sá ríki jafn ríkur hvaða sem fræðikenningin eða hinn eða þessi stuðullinn heitir.  Þessi umræða er orðin svo bjánaleg að engu tali tekur.

Það blasir við öllum sem hafa augun opin og eru í einhverju sambandi við fólkið í landinu og misskipting hefur aukist gífurlega.  Jafnframt verð ég var við mun meiri þrengingar margra minna viðskiptavina nú upp á síðkastið en áður.  Að sama skapi virðast sumir hafa peninga eins og skít.  Vert er að vekja sérstaka athygli á forustugrein Morgunblaðsins um þessi mál frá 24. febrúar.  Þar heyrist skynsamur tónn sleginn í þessar fátækarsinfóníu.

Athugasemdir

[Leifur Þorsteinsson, 25.2.2007 kl. 12:21]

Það er þetta með fræðina um stærðir og hlutföll, allt er afstæt. ef við skiftum íbúum

ladsis í t.d 1% ofsaríka 4% sterkríka 10% ríka 50% velstæða 20% þar sem endar ná saman

4% eiga til hnífs og skeiðar og að lokum 1% á götunni af ýmsum ástæðum. Þá getu við

með sanni sagt að það sé það sé himin hrópandi misskifting milli 1% efst og1% neðst

á stiganum. En það er nú staðreynd sem vitur maður sagði að í jafnaðar þjóðfélagi væu

allir jafnir en sumir jafnari en aðrir.

Hvað varðar útreikninga Stefáns Ólafssonar sem gerðir eru í hápólitískum tilgangi, er

það einmitt fáfræði um hlutföll sem hann nýtir sér (ég trúi því ekki að hann viti ekki

betur) til að slá ryki í augu fólks. En það er náttúrulögmál að hækki laun manns um

vissa krónutölu þá hækkar skatturinn um sama hlutfall í krónutölu.