Á hvaða öld eru þessir menn?

Í dag var verið að áfrýja máli olíuforstjóranna þriggja til Hæstaréttar eftir að héraðsdómur hafði vísað málinu frá á þeirri forsendu að ekki væri hægt að sækja einstaklinga til ábyrgðar gagnvart brotum fyrirtækjanna sem þeir stjórnuðu.  Auðvitað! Auðvitað!  Hvernig var þetta, vissuð þið ekki að fyrirtæki sem brjóta af sér hafa sjálfstæðan vilja og forstjórarnir koma þar hvergi nærri.  Bara þegar vel gengur.  Þá fá þeir ríflegan kaupauka og rétt til hlutafjárkaupa á kjörum langt undir markaðsverði.  Nóg um þessa bullfrávísun héraðsdóms.   

Samkeppni er bara í orði - ekki á borði, alla vega ekki fyrir almenning.

Grein af sama meiði er hið ótrúlega fyrirbæri Samorka.  Samstarfsvettvangur orkuframleiðanda og orkusala.  Er ekki frjáls samkeppni á þessum markaði? Mér var talin trú um að og bréf þar að lútandi fékk ég  nýverið frá orkusala sem vildi selja orku - á nákvæmlega sama verði og "keppinauturinn".  

Hvað með Neytendastofu?  Hvar er hún? Hvaða ráðherra fer með neytendamál?  Ávarpaði hann kannski aðalfund Samorku?  

Er það rétt hjá mér að iðnaðarráðherrann Jón Sigurðsson hafi með orkumál að gera?

Er það rétt hjá mér að viðskiptaráðherran Jón Sigurðsson hafi með samkeppnismál að gera?

Spyr sá sem ekki veit........ 

Franz Árnason nýr formaður Samorku

Athugasemdir

[Haukur Nikulásson, 9.2.2007 kl. 18:06]

Þetta er að verða í takt við annað hér á landi. Í olíusamráðsmáli hafa játningar legið fyrir, en það dugir víst ekki til að reka málið lengra.

Baugsmálinu hefur ítrekað verið fleygt af borðinu en þar á að taka það fyrir sem aðalatriði fyrir rétti næstu mánuði. Þar neita menn sök en það hefur ekki þýðingu.

Skv. ofansögðu þá er það orðið betra að játa sök og fá málinu fleygt úr réttarkerfinu, heldur en að neita sök og lenda þar með í því að það verði sótt þótt fara verði alla leið til helvítis eftir því. 

[Bjarni (IP-tala skráð) 9.2.2007 kl. 23:23]

Nú eru til fleiri myndir orku en einvörðungu rafurmagnsorkan, t.a.m. varmaorkan eða heita vatnið okkar og á þeim bænum er augljóslega eðli sínu samkvæmt engin samkeppni, er það?

[Sveinn Ingi Lýðsson, 10.2.2007 kl. 01:21]

Bjarni.  Að sjálfsögðu er hægt að halda uppi samkeppni í allri orkusölu, hvaða nafni sem hún nefnist.  Málið snýst um að orkusalinn leggi inn orkuna inn á dreifikerfi (rafveita, hitaveita, vatnsveita) samsvarandi því magni sem einhverjir eru tilbúnir til að kaupa af honum.

En þessi Samorkumenn eru nákvæmlega þeir sem eru ráðandi í raforkugeiranum.  Meira að segja Landsnet er með! 

[Egill Rúnar Sigurðsson, 10.2.2007 kl. 13:05]

Alveg hjartanlega sammála þérum þetta Sveinn, það er algjörlega út í hött ef ekki er hægt að draga þá einstaklinga sem stýra fyrirtækjumun til ábyrgðar! Varðandi samkeppnina þá skortir hér samkeppni á öllum sviðum, hvert sem litið er, matvælageiranum, tryggingageiranum, bankageiranum ofl. ofl.

[Bjarni (IP-tala skráð) 10.2.2007 kl. 18:57]

Sæll Sveinn

Nú er það svo að það eru ekki allir í Reykjavík, nú eru þónokkrar vatns- og hitaveitur utan Reykjavíkur og suðvestur hornsins sem munu aldrei koma til með að vera í neinu nokkurskonar samtengdu neti og munu aldrei vera í samkeppni hvorar við aðra og því er bara ekkert óeðlilegt við það að einhverskonar samstarfsvettvangur sé á milli þessara aðila.

Það að OR og Norðurorka t.d. skiptist á upplýsingum um eitthvað reynslu þeirra af hinni og þessari lögninni, besta fráganginum eða þar fram eftir götunum, er bara ósköp eðlilegt!

[Sveinn Ingi Lýðsson, 10.2.2007 kl. 21:59]

Bjarni, það vill svo til að ég þekki vel til á landsbyggðinni, fæddur þar, uppaldinn og verðið þar mestan hluta minnar ævi þrátt fyrir núverandi búsetur á Stór-Hafnarfjarðarsvæðinu.  Víðast hvar var barasta ein bensínstöð (orkusali) á staðnum á nákvæmlega sama hátt og það var bara eitt RARIK sem seldi rafmagn.  En - verðið, það var ákveðið af opinberri nefnd.  Ef þú hefur ekki tekið eftir því þá lögðum við þetta ríksforsjárkerfi af 1992 (að mig minnir).  Þá átti að taka við heilbrigð samkeppni á markaðnum.  Eitt síðasta vígið sem féll var sala á raf- hita- og vatnsorku fyrir ári síðan.  

Út um land spretta upp einkareknar raforkuveitur sem selja orku síðan beint inn á dreifikerfið.   Það er gjörsamlega út í hött að þessir aðilar hafi með sér samráðsvettvang! og er brýtur klárlega í bága við samkeppnislög.